ب مەرەما هشیارکرن و بەلاڤکرنا پشکداریا ساخلەمیێ و د چارچووڤەیێ چالاکیێن هەیڤا هشیاریا پەنجەشێرا مەمکاندا، ل ڕۆژا چارشەمبێ، ڕێکەفتی (٢٠٢٦/١٠/١٤)، و ب ئامادەبوونا هاریکارێن سەرۆکێ زانکۆیا زاخۆ و ژمارەیەکا بەرچاڤ ژ مامۆستا، فەرمانبەر و قوتابیێن کچ و ژن، سمینارەکا زانستی و هشیاری ل سەر (نەخۆشیا پەنجەشێرا مەمکان - سرطان الثدي) هاتە پێشکێشکرن.
ئەڤ چالاکییا زانستی ب هەماهەنگی د ناڤبەرا ڕێڤەبەریا گشتی یا ساخلەمیا زاخۆ و زانکۆیا زاخۆدا هاتە ڕێکخستن، تێدا پزیشکا پسپۆر (د. خالدة جمال محی الدين) ڕابوو ب بەڵاڤکرنا پێزانینێن پزیشکی یێن گرنگ و هەستیار ل سەر بابەتی.
د ئەڤێ سمینارێ دا، ڕوناهی ئێخستە سەر سەدەمێن تووشبوونێ، نیشانێن دەستپێکی، گرنگیا پشکنینا زووی یان پشکنینا پێشوەخت (Early Detection)، و ڕێکێن خۆپاراستنێ. هەروەسا دکتۆرایێ بەرسڤا پسیارێن ئامادەبوویان دا و ڕێنماکێن پزیشکی یێن پێدڤی پێشکێشی ئامادەبوویان کرن بۆ پاراستنا ساخلەمیا گشتی.
دەمژمێرێن سمینارێ ب ئاخفتنێن بلندڕێز و بژاردەیێن هۆشیاریێ برێڤەچوون و پشکداران دەستخۆشی ل ڤێ پێنگاڤا گرنگ کر، کو دگەهینتە ئارمانجا بلند یا زانکۆیێ د خزمەتکرن و بهێزکرنا هۆشیاریا ساخلەمیێ د ناڤ جڤاکیدا.